Við at brúka koparoksid, sum er framleitt í Noreg, ger ísraelska MedCu munnbind sum drepa koronavirusið.
Copper Inside-munnbindið fæst eitt nú í Finnlandi, har tað verður nógv brúkt, men verður eisini skjótt at fáa á norska marknaðinum, skrivar norska TV 2.
Onnur lond, har Copper Inside-munnbindið er at fáa, eru USA, Kanada, Týskland, Suður-Afrika og Ísrael.
Copper Inside visir millum annað til eina kanning sum er gjørd av MedCu, í samstarvi við Universitetið í Nebraska.
Í kanningini verða Copper Inside-munnbind infiserað við koronavirusinum. Undir minutt seinni var koronavirusið í munnbindinum nevtraliserað, og var tí vandin fyri smittu burtur.
Um tú veitst okkurt, sum VP ikki veit - skriva so til vp@vp.fo