FSF: Saman við hjálparvenjaranum, Jens Eriki Rasmussen, hevur Jógvan Martin Olsen, ið er høvuðsvenjari hjá U15-landsliðnum við dreingjum, úttikið hópin, sum í døgunum 23. til 29. mai fer til EfB Spar Nord Elite Cup í Esbjerg í Danmark.

Í kappingini verður spælt móti øðrum donskum klubbliðum, umframt at lið úr Noregi, Svøríki og Týsklandi onkur ár eisini luttaka.

Hópurin
Rasmus Helgason, 07 Vestur
Dánjal Petur Vilhelmson, 07 Vestur
Rasmus Emil Poulsen, B36
Djóni Sivertsen, B36
Dánial T. Mørkøre, HB
Dávid Reynheim, HB
Teitur Bogason, HB
Silas B. Joensen, HB
Rani Johannesen, HB
Páll Múller, KÍ
Hóri Klakstein, KÍ
Tróndur Sjúrðarson, NSÍ
Pauli Richardson, NSÍ
Markus Danielsen, NSÍ
Eyðtór Eyðsteinsson Joensen, Royn
Jeffrey Dulavík Berg, Skála
Kristian Jacobsen, Víkingur
Jens Eiler Samsson, Víkingur

Næst á skránni hjá U15-dreingjunum aftaná EfB Spar Nord Elite Cup eru tveir venjingardystir móti Íslandi, sum vera í Føroyum 16. og 18. august, og um mánaðarskifti oktober-november er UEFA menningarkapping á skránni.