Tórshavnar kommuna: Í næstum fara menn at hosufóðra kloakkir hjá Tórshavnar kommunu á fylgjandi strekkjum:
Strekki 1 og 2: Klokkaragøta - Bókbindaragøta - Eysturstræti - Yviri við Strond
Strekki 3 og 10 - Fútalág
Strekki 4 – Hoyvíksvegur
Strekki 5 og 7 - Jónas Broncks Gøta – Lutzenstrøð
Strekki 6 - Láarvegur – Traðabrekka
Strekki 8 - M.A. Winthers gøta
Tá ið kloakkir verða hosufóðraðar, verða rørini umvæld innan. Tá ið hetta verður gjørt, sleppur kommunan undan stríðnum at grava, fylla í aftur og asfaltera. Hetta sparir kommununi nógva tíð og pening, umframt at borgarin sleppur undan, at vegir verða grivnir upp í longri tíðarbil.
Arbeiðið at hosufóðra ber í sær, at stórar og langar hosur - upp í fleiri 100 metrar – verða lagdar inn í rørini.
Hosan verður vatntett og blást inn í rørini. Síðani stadnar hosan, og eitt spildurnýtt plastrør er bygt undir jørð.
Arbeiðsútgerðin kann larma eitt sindur - tó ikki meira enn ein sláimaskina. Ampi kann eisini standast av lukti, løtuna arbeiðsfólkið fóðrar rørini.
Íbúgvar, sum búgva nærhendis støðunum, har kloakkrørini verða fóðraði, fáa eitt neyvari kunningarskriv sent í postkassan.
Arbeiðið fer fram frá 18. mai til 29. mai.
Um tú veitst okkurt, sum VP ikki veit - skriva so til vp@vp.fo