Tann verður glaður sjálvur, sum ger onnur glað
- Mark Twain

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Green Key er altjóða umhvørvismerkið hjá ferðavinnuni. Hotel Brandan ynskti frá byrjan at fáa hesa góðkenning:

"Framtíðarkundin verður meira tilvitaður um at keypa frá veitarum, ið hava umhvørvið í huga. Tí hevur tað verið alneyðugt hjá okkum at fáa hesa góðkenningina."

Tað sigur Pætur Trónd Thomsen, hotellstjóri hjá Smyril Line.

Tá ið Hotel Brandan varð sniðgivið, bleiv dentur lagdur á tað føroyska. Føroysk mentan og føroysk list eyðkenna alt konseptið. Men Smyril Line vildi eisini bjóða gestunum eitt burðardygt uppihald í burðardyggum umhvørvi.

"Alt hettar halda vit hevur eydnast sera væl," sigur Pætur Trónd Thomsen.

Fyri at fáa altjóða umhvørvisgóðkenningina hevur Hotel Brandan gjørt skipanir, sum skilja alt burturkast; m.a. við at máta matoyðsl. Og fyri at spara orku brúkar hotellið fjarhita, orkuvinaligan útbúnað og einki annað enn LED-ljós. Hartil hava øll vindeyguni trídupultar rútar.

Á hotellinum fæst bara gott, føroyskt kranavatn heldur enn vatn í fløsku. Eingin einnýtisborðbúnaðar verður brúktur, og sápan á kømrunum er 100 prosent umhvørvisgóðkend. Serstakt er, at lyklakortini til kømrini eru úr bambusi. Tey eru FSC-góðkend, sum merkir, at fyri hvørja brúkta bambus-plantu verður ein nýggj gróðursett.

"Harumframt royna vit altíð at stuðla nýbrotum, sum kunnu gera framtíðina burðardygga," sigur Pætur Trónd Thomsen.

Hotellstjórin sipar til, at umframt Green Key-krøvini hevur Hotel Brandan el-bilar og løðistøðir.

"Tað er allarhelst bara ein spurningur um tíð, nær hetta verður krav," leggur hann afturat.

Pætur Trónd Thomsen, hotellstjóri hjá Smyril Line, hevur eitt inniligt ynski:

"Tað skal kennast væl at fáa ein vistfrøðiligan kaffimunn á Hotel Brandan og líta oman yvir ta grønu, varandi viðarlundina."

Um tú veitst okkurt, sum VP ikki veit - skriva so til vp@vp.fo