Tveir mans 28 og 30 ára gamlir, vórðu týsdagin í rættinum í Kolding dømdir fongsulsrevsingar fyri at hava misbrúkt ein autistiskan drong sexuelt í fýra ár - frá drongurin var 9 til hann var 13 ára gamal.

Annar maðurin fekk tvey og eitt hálvt ára fongsulsrevsing, hin fekk tvey ár.

Í einum føri misbrukti annar maðurin autistiska drongin, ímeðan hann sendi video av hendingini til hin mannin, sum var í Føroyum.

Dømdu menninir, sum eru par, høvdu meldað seg sum sjálvbodnar at vera við í átakinum "barnets ven" hjá felagsskapinum Red Barnet Ungdom. Soleiðis komu teir í samband við autistiska drongin, sum teir misbrúktu kynsliga.

Umframt fongsulsdóm eru menninir dømdir til ikki at kunna hava nakað við børn at gera, hvørki gjøgnum starv ella frítíðaraktivitetir, teir sleppa ikki at búgva hjá fólki ið hava børn og sleppa heldur ikki at fáa børn á vitjan, sum ikki eru saman við øðrum vaksnum.

Maðurin sum fekk tvey og eitt hálvt ára fongsulsrevsing játtaði seg sekan og tók við dóminum. Hin umhugsar um hann skal kæra dómin.

Fleiri danskir miðlar, teirra millum Ekstrablaðið, skrivar um dómin