Fólkakirkjan: Sunnudagin 8. nov kl. 12.30 verður hátíðargudstænasta við sangi og tónleiki og við luttøku av biskupi og dómprósti í Hvalbiar kirkju.
Kirkjan í Hvalba var vígd 27. oktober 1935.
Arbeiðið við at gera kirkjuna byrjaði í 1933.
Um várið 1933 varð farið undir stoypiarbeiði, við havnamanninum Kristin Holm Joensen, múrara, sum formanni. Hetta arbeiði stóð liðugt 1. februar 1934. Vestmenningurin Eyolfur á Heygum, timburmeistari, stóð fyri timburarbeiðinum og alt snikkaraarbeiðið varð gjørt á verkstaðnum hjá Jens Paula við Sílánna, á Tvøroyri.
Kirkjan tekur uml. 300 fólk (er uml. 25 x 10 m til støddar).
[KELDA: J. P. Gregoriussen, Nýggjaru Kirkjurnar]
Um tú veitst okkurt, sum VP ikki veit - skriva so til vp@vp.fo
