Í líkhúsinum á universitetssjúkrahúsinum í rumenska høvuðsstaðnum, Bukarest, er pláss til 15 lík, men har eru 40 stappað inn og fleiri liggja úti á gongini.
- Hetta er óvirðiligt, kalt og miskunnarleyst, sigur Claudiu Ionita, sjúkrarøktarfrøðingur á sjúkrahúsinum. Har eru tey í hesum døgum ovbyrjað sum ongantíð áður undir fjórðu og higartil ringastu koronaflóðalduni sum júst nú skolar innyvir landið.
- Tá eg byrjaði hetta starvið, hevði eg ongantíð ímyndað mær, at eg skuldi upplivað nakað líknandi, sigur hon við CNN.
Ein orsøk til ringu støðuna er, at sera fá eru koppsett í Rumenia. Bert áleið 36%. Og tað hevur helst samband við, at fólk í landinum generelt hava lítið álit á myndugleikum, eins og fleiri týðandi og kendir politikarar beinleiðis hava heitt á fólk um ikki at koppseta seg, tí tað er ótrygt.
Um tú veitst okkurt, sum VP ikki veit - skriva so til vp@vp.fo
