Á heimasíðuni hjá KVF verður Helgi Abrahamsen, landsstýrismaður, endurgivin fyri at siga, at uppskot verður lagt fyri tingið um gongd í haga, og at meginreglan verður at fólk skulu ganga ókeypis í haganum.

Tað er ikki fallið í góða jørð hjá formanninum í Búnaðargrunninum Símun Gullaksen.

Á sínum Facebook-vanga spyr hann formanninum í Fólkaflokkinum, Jørgen Niclasen, um hetta er ein partur av politikkinum hjá sitandi samgongu?

- Vit fara ongantíð at góðtaka, at Festarar og Óðalsmenn verða statistar innan ferðavinnumenning í Føroyum. Sjálvandi skulu Festarar og Óðalsmenn verða ein náttúrligur partur av hesari menning, skrivar hann.

- Undir øllum umstøðum, er talan um eina fráboðanarskyldu, um tú ynskir at ferðast í teim føroysku høgunum, og hendan fráboðanarskyldan skal sjálvandi umsitast av teimum, sum eiga og umsitað jarðirnar, skrivar Símun Gullaksen.

Formaðurin í Fólkaflokkinum, Jørgen Niclasen, svarar Símun Gullaksen, og sigur, at hetta er ikki viðgjørt í landsstýrinum ella í samgonguni.

- Hatta verður neyvan úrslitið, sigur Jørgen Niclasen.

Les meira her