Umfatandi stongsul rakar fleiri milliónir fólk í nógvum indiskum stórbýum, eftir at landsins heilsumyndugleikar í dag hava staðfest eitt óhugnaligt met. Tí ongantíð eru so nógv smittað eftir einum samdøgri sum í dag.
Mánadagin í hesi vikuni vórðu yvir 100.000 fólk staðfest smittað. Tað var met, og hetta talið hevur so hildið áfram at seta nýggj met. Í dag eru 145.384 nýggir tilburðir av korona staðfestir, og talið á deyðum er eisini tað størsta seinastu fimm mánaðirnar.
Yvir 12,6 milliónir fólk eru nú staðfest smittað í fólkaríka landinum, og tað hevur fingið myndugleikarnar til at seta nýggj og strong tiltøk í verk við stongsli og avmarkingum.
India er heimsins størsti framleiðari av korona-vaksinu, men kortini er trot á vaksinu í landinum. 94 milliónir íbúgvar eru koppsettir, og tað er áleið 7% av fólkinum í landinum.
Um tú veitst okkurt, sum VP ikki veit - skriva so til vp@vp.fo