Ísraelska stjórnin hevur sett egna nevnd at kanna ákærurnar um at eitt hackingprogram gjørt av ísraelskum trygdarfelag er misbrúkt um allan heimin.
Tað upplýsur ísraelsk kelda fyri Reuters, skrivar NRK.
Nevndin er undir Trygdarráðnum í Ísrael.
Programmið hjá NSO, Pegasus, hevur verið brúkt til at hava eftirlit við fleiri framstandandi politikarum, journalistum og vinnulívsfólkum.
Millum annað forsætisráðharrin í Ungarn, Viktor Orban, hevur brúkt hackingprogrammið, sambært The Guardian.
Um tú veitst okkurt, sum VP ikki veit - skriva so til vp@vp.fo