- Eg misti allar mínar inntøkur, tí vit skuldu verja tey veikastu ímóti korona. Tað er ekstremt frustrerandi fyri meg. Men lat okkum so verja tey veikastu, sigur Tórður Pætur Ravnsfjall, sum undrast stórliga yvir, hví vit ikki hava sonevnd "walk-in antigen test sentur".
Tórður Pætur Ravnsfjall, sum sjálvur er íverkseti, sigur, at hann hevur arbeitt við júst hesum í Svøríki.
- Eg haldi, at kommunurnar eiga at seta slík testsentur upp, ikki minni nú fleiri jólaborðhald fara at koma. Hetta er nógv tann bíligasta loysnin, og hon er blivin sera effektiv nú, sigur hann.
Sambært Tórði Pæturi Ravnsfjall kann ein slík antigen test nú fáast fyri áleið 20 krónur. Tær sum í dag verða seldar í føroyskum handlum liggja um 75 krónur fyri hvørja.
Um tú veitst okkurt, sum VP ikki veit - skriva so til vp@vp.fo