Ósemja ímillum Fiskimálaráðið og Sjóvinnustýrið ger, at nýggja havrannsóknarskipið, sum annars skuldi fara royndartúr í dag, sleppur ikki at loysa.
Sambært Kringvarpinum snýr ósemjan seg um, hvørt havrannsóknarskipið skal skrásetast sum eitt fiskiskip ella eitt handilsskip. Hetta hevur týdning, eitt nú tá tað kemur til hvørji førleikakrøv manningin skal hava.
Jacob Vestergaard, landsstýrismaður, segði við Kringvarpið, at als ongin ivi er í hansara verð um, at Jákup Sverri er fiskiskip og kann tað ikki skrásetast sum slíkt, so verður tað bara liggjandi.
Sjóvinnustýrið heldur hinvegin uppá, at tá skipið er bygt sum handilsskip, so skal tað skrásetast sum slíkt.
Um tú veitst okkurt, sum VP ikki veit - skriva so til vp@vp.fo
