Um tú ikki kanst føða 100 munnar, byrja so við einum
- Móðir Teresa

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Javnaðarflokkinum á Fólkatingi: Í nýggjari kanning sæst greiður samanhangur millum hvussu nógv av hvørjum kyni eru uppstillað, og hvussu kynsbýtið í bý- og bygdaráðunum síðani taka seg út.

Seinasta kommunuval dystaðust 307 valevni um tilsamans 82 sessir í teimum 29 føroysku kommununum. Søguliga hava tað verið flest mannfólkanøvn á atkvøðuseðlunum, og samansetingin av valdu bý- og bygdaráðlimunum hareftir. Enn er ikki komið fyri í Føroyum, at fleiri kvinnur hava stillað upp til kommunuval enn menn, og heldur ikki hevur lutfallið av kynunum ligið innan vanliga javnstøðumálið um minst 40 prosents umboðan av báðum kynum.

##med2##

Síðstu 20 árini, hava støðugt fleiri kvinnur verið millum valevnini, og á kommunuvalinum í 2016 vóru 36 prosent av valevnunum kvinnur, meðan 64 prosent vóru menn. Til samanberingar var lutfallið 70 prosent menn og 30 prosent kvinnur í 2000.

Verður hugt nærri at hvussu nógv eru uppstillað av hvørjum kyni, og síðani vera vald, er tað sum heild soleiðis: tess fleiri av einum kyni eru á atkvøðuseðlunum, tess fleiri verða vald. Merkisvert er tó, at neyðugt er við lutfalsliga fleiri kvinnum á uppstillingarlistunum, um tær skulu veljast í sama mun sum menninir.

Á øll kommunuvalunum síðani 2000, undantikið í 2016, vórðu menn lutfalsliga betri umboðaðir í bý- og bygdaráðssessunum, enn teir í grundini vóru á atkvøðuseðlunum. Á valinum í 2000, til dømis, vórðu áleið tvær kvinnur valdar fyri hvørjar tíggju uppstillaðar, meðan tað hjá monnunum vórðu tríggir valdir fyri hvørjar tíggju uppstillaðar.

Eysturoy søguliga ringa kynsumboðan
Menn eru betri umboðaðir í nærum øllum landspørtunum, tó at Streymoyggin er einasti landspartur við fleiri kvinnuligum enn mannligum umboðum í Føroyum. Fyri tær flestu kommunurnar hevur gongdin verið tann, at alsamt fleiri kvinnur fáa pláss á atkvøðuseðlunum, og síðani eisini í bý- og bygdaráðunum.

Í Eysturoynni hevur hendan gongdin tó verið øvut. Umframt, at hava mest misjøvnu kynsumboðanina – tá ið tað kemur til hvørji verða vald – so er støðan versnað hesum viðvíkjandi. Á kommunuvalinum í 2000 vóru kvinnur betri umboðaðar í kommunupolitiskum høpi, enn tær eru nú. Tá vóru 26 prosent av valevnunum kvinnur, meðan 23 prosent vórðu valdar. Í 2016 vóru 33 prosent av teimum uppstillaðu kvinnur, men einans 18 prosent av teimum valdu vóru kvinnur, og liggur væl undir kvinnuligu umboðanini alla aðrastaðni í landinum.

##med3##

Felags fyri kommunurnar er, at javnstøðan millum bý- og bygdaráðslimirnar er betri, enn javnstøðan fyri borgarstjórasessirnar. Í teimum 29 kommununum, eru nevniliga bert sjey kvinnuligir borgarstjórar. Hesar sita í ávikavist Tórshavnar-, Vága-, Sørvágs-, Kunoyar-, Hvannasunds-, Húsavíkar- og Fugloyar kommunu. Ongar av kommununum í Suðuroynni ella Eysturoynni hava kvinnur í borgarstjórasessunum.

Yvirlit yvir kynsumboðanina í ymsu økjunum í Føroyum

Um tú veitst okkurt, sum VP ikki veit - skriva so til vp@vp.fo