Fyrrverandi varaforsetin Joe Biden hevur nú alment tryggjað sær nóg stóra undirtøku til, at hann kann vera valevni hjá demokratunum til amerikanska forsetavalið sum verður í november.
77 ára gamli Joe Biden boðaði í gjár frá, at hann nú hevur tryggjað sær stuðul frá 1991 valfólkum sum er tað, sum skal til fyri at verða tilnevndur. Hetta er greitt, eftir at uppteljingin frá undanvalinum í 7 statum týsdagin er liðug.
Talan er tó meira um eina súmbolska hending, tí øll hini, sum kappaðust við Joe Biden um tilnevningina, hava longu lagt kongin.
Meiningarkanningarnar hava í seinastuni víst ein alsamnt størri mun ímillum Joe Biden og valevni hjá republikanarunum, Donald Trump, forseta. Í eini kanning, sum tíðindastovan Reuters og greiningarfyritøkan Ipsos lótu úr hondum 3. juni, fær Joe Biden 47% at atkvøðunum og Donald Trump fær stuðul frá 37%.
Um tú veitst okkurt, sum VP ikki veit - skriva so til vp@vp.fo