Um ongin ger nakað, so fær eitt diktatur skjótt vald á digitala føroyska infrastrukturinum, samstundis sum at Føroyar skumpa USA frá sær.
Ongin ivi er um, at Huawei kann avlurta ALT sum fer fram á føroyskum telefonum og á internetinum, um tey sleppa at seta teirra 5G net upp í Føroyum.
Um so verður, kunnu føroyskar fyritøkur ikki hava tryggar samrøður við aðrar fyritøkur um vinnulig loyndarmál, og Føroya Landstýri kann ikki samrøða trygt við onnur lond.
Johan Dahl hevur síðan 2016 verið Executive Adviser hjá Huawei Technologies Denmark, og at Føroya Tele fær at vita av løgmanni, at tey bert skulu taka vinnulig atlit til 5G, lugtar av korruptión.
Hvar eru Kringvarp Føroya, Sosialurin og Dimmalætting?!
Hevur nakar miðil viðgjørt málið til botns?
Hevur nakar sett spurnartekin við, um hvussu tað ber til, at ein fyrrverandi vinnumálaráðharri, sum hevði ábyrgd av Føroya Tele, síðan 2016 hevur verið løntur av Huawei?
Gunnar Isholm Simonsen
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
