Næstu vikurnar fara Kim Hansen, Laila Carlsen og Malan Eyðunsdóttir at hava fimm jólakonsertir kring landið. »Ársins jólakonsert« kalla tey konsertirnar, sum verða í Klaksvík, Havn, Vestmanna og Runavík.
Forsølan til konsertirnar gongur væl, og nú er konsertin í Løkshøll í Runavík 18. desember útseld. Fá atgongumerki eru eftir til konsertina á Spinnarínum í Klaksvík nú leygarkvøldið og til konsertina í Silo í Havn tann 12. desember. Konsertir verða eisini í Havn 5/12 og í Vestmanna 13/12, og har gongur sølan eisini væl.
Kim Hansen, Laila Carlsen og Malan Eyðunsdóttir bjóða inn til hugnaligar og nærverandi jólakonsertir, har tey fara at spæla kendar føroyskar og útlendskar sangir.
Um tú veitst okkurt, sum VP ikki veit - skriva so til vp@vp.fo
