Í Smílukulluni í Miðvági, eru tey eisini farin at stákast til jóla.
Har verður givið pláss fyri, at børnini sjálvi koma við hugskotum um, hvat tey hava hug at gera. Tey fara at arbeiða á verkstøðum og hugna sær við at gera jólapríðið.
Nakrir dagar eru allíkavæl tilrættalagdir.
Fríggjadagin tann16. desember verður jóladøgurði fyri børnunum kl. 12 og henda sama dag, frá kl. 15.30 til 17.00, verður jólahugni fyri foreldrum og systkjum. jólahugnin verður uttandura, so tað ræður um at verða væl klæddur.
Eisini fara børnini at vitja á Ellisheiminum, har tey fara at syngja jólasangir fyri eldra ættarliðinum. Hetta skrivar Vága kommuna á heimasíðu sínari.
Um tú veitst okkurt, sum VP ikki veit - skriva so til vp@vp.fo