Eitt gott høvd og eitt gott hjarta er ein framúr blanding
- Nelson Mandela

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Jørgen Niclasen, landsstýrismaður við fíggjarmálum, hevur í tinginum hálvgum hartað samstarvsfelagan í Heilsumálaráðnum, tí tingið mátti samtykkja eina eykajáttan, sum ásetur, at Heilsutrygd má fáa 13,8 milliónir afturat at rinda stuðul til heilivág og læknahjálp.

Hesir gløggu landsstýrismenninir høvdu funnið nakrar orsøkir:

“Ein orsøk til tað er, at útreiðslurnar eru nógv hækkaðar, av tí at fólkatalið er nógv vaksið, samstundis sum at vit hava fingið fleiri kommunulæknar, og tað førir eisini fleiri útreiðslur við sær.”

Men skil mátti fáast á hesi meirnýtsluni, helt Jørgen.

Einaferð var Trælanípan nýtt til endamálið – men tað hevði neyvan verið hóskiligt í 2020, tó tað hevði borið til.

Onkur advokatur hevði ivaleyst fingist at seta á stovn partafelag til endamálið.

Ongantíð betri, um onkur samgongulimur átti í felagnum.

Gjaldið fyri hvønn “trælin” kundi verið kr. 390,-, men tað hevði helst munað ov lítið, so ivaleyst skuldi tað verið væl hægri – kanska kr. 3900,-.

Fíggjarmálaráðharrin vildi vera við, at loysnin at fáa betri javnvág í raksturin hjá Heilsutrygd er sera einføld.

Antin mátti inngjaldið frá fólki til Heilsutrygd hækkast, ella mátti Heilsutrygd lækka stuðulin til heilivág og læknaviðgerð.

Kaj Leo Holm Johannesen váttar, at hann er í ferð við at kanna, hvussu tað ber til at tálma tí stóra útreiðsluvøkstrinum hjá Heilsutrygd.

Landsstýrismonnunum kom ikki til hugs, at ein møguleiki hevði verið at givið útlendskum kapitaláhugamálum lægri profitt, nú veiðirættindini til okkara fiskatilfeingi endaliga vórðu lutað út til nakrar fáar fyritøkur – eitt nú eiga hollendarar í onkrum teirra.

13,8 milliónir er eingin risaupphædd, tá ið hugsað verður um, at ein milliard er 1000 milliónir.

Men kanska hugsar Kaj Leo sum so, at hesar fyritøkur gjalda skatt í Hollandi, sum so kemur teimum gomlu í Hollandi til góðar.

Men er maðurin ikki valdur at dugna føroyingum, sum av sjúku ella elli hava brúk fyri heilivági og læknahjálp?

Ella havi eg misskilt okkurt?

Árni Dahl

Um tú veitst okkurt, sum VP ikki veit - skriva so til vp@vp.fo