Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Útlendis ítróttur

Vandamikli Tottenham framherjin Harry Kane hevur júst skrivað undir ein nýggjan seks ára sáttmála við felagið úr Norður London, boða altjóða miðlar frá.

24-ára gamli framherjin, sum hevur skorað fleiri enn 25 mál í Premier League í hvørjum av teimum trimum síðstu kappingarárunum, sær harvið út til at verða verandi á White Hart Lane í øllum førum nøkur ár aftrat.

Fyri fjúrtan døgum skrivaði Tottenham annars eisini undir nýggjan fimm-ára sáttmála við venjaran, Mauricio Pochettino.

Spennandi verður so at síggja, um Spurs, sum í summar flytur inn aftur á nýggja White Hart Lane eftir at hava húsast á Wembley í eitt ár, endiliga fer avstað við Premier League gullinum eftir at hava blandað seg ímilum oddaliðini í deildini hesi farnu trý árini.

Í summar skal Kane í aðrar mátar vera liðskipari á enska landsliðnum, sum er komið í bólk saman við Tunesia, Panama og Belgia til HM-endaspælið í Russlandi.

Um tú veitst okkurt, sum VP ikki veit - skriva so til vp@vp.fo