Tónleikur
Sangurin “Lukkan er ei gullið”, sum Kemm Poulsen skrivaði tekst og Jens Marni Hansen lag til, er nú eisini givin út á mari-málinum.
Í vár kom sangurin út á elvdalskum, sum er ein serlig svensk dialekt, sum bara eini trítúsund fólk tosa.
Nú er so sangurin eisini útgivin á sjáldsama mari-málinum. Mari-dialektin verður tosað av fleiri enn 400.000 fólkum eystanfyri Uralfjøllini.
Tað er ísraelarin Yair Sapir, ið stendur fyri útgávutiltakinum “Small Languages Rock”, har úrvaldir sangir verða týddir til smámál, ið eru í vanda fyri at doyggja út.
Sangarin eitur Ivan Solovyov.
Um tú veitst okkurt, sum VP ikki veit - skriva so til vp@vp.fo
