Hann eitur Ingvar Thomsen og er eigari av romthomsen.dk, er parteigari í donsku rúsdrekka import fyritøkuni Mac-Y, er ein av stovnarunum av Rom & Whisky Festivalen í Danmark og skrivar tær flestu rommgreinarnar í blaðnum, Whisky & Rom, sum er eitt sera væl selt blað í Danmark.
- So sigast má, at hetta er ein sera áhugaverdur maður sum kemur á vitjan sigur Ólavur Larsen, fyriskipari, um mannin, sum nú kemur hendavegin at læra føroyingar um teir gyltu droparnar.
Tvey tiltøk verða fyriskipað, eitt í Fuglafirði og eitt í Havn, har Ingvar fer at greiða frá, hvussu romm verður gjørt og samstundis verður møguleiki fyri at smakka ymisk sløg av rommi.
Her er meira kunning um tiltakið
Um tú veitst okkurt, sum VP ikki veit - skriva so til vp@vp.fo
