Fólkakæri danski sangarin Kim Larsen hevur avlýst fleiri konsertir sum skuldu vera í vár.
Tað hendir eftir at hann hevur fingið staðfest krabba í prostata.
- Eg má bara viðganga, at eg eri við at blíva ein gomul rukka, skrivar hann á facebook vanganum sum hann og bólkurin hava.
Har stendur eisini, at hóast viðgerðin hevur verið strævnari, enn hann hevði væntað, so ætlar hann at blíva klárur aftur skjótt.
Km Larsen er 72 ár.
Ekstrablaðið skrivar, at tilsamans 24 konsertir í januar, februar og mars verða avlýstar. Tilsaman 50 konsertir eru á skránni fram til august, tær eru bæði í Danmark, Noregi og Svøríki.
Um tú veitst okkurt, sum VP ikki veit - skriva so til vp@vp.fo