1. - 3. apríl hevur DM 2016 í klassiskari styrkilyfting verið í Keypmannahavn, har sørvingurin Klæmint B. Vágadal gjørdist nummar 2 í 83 kg klassanum.
Kappast var í trimum greinum squat, bonkpress og deadlift, har hvør lyftari hevði tríggjar royndir í hvørjari grein.
Klæmint vann gull í squat, har hann lyfti 220 kg uttan knæliðsbind, har pláss var til at lyfta meira.
Í bonkpress hevur Klæmint havt fleiri skaðar at stríðast við. Her lyfti hann 115 kg, sum var gódkent. Síðan royndi hann seg við 120 kg, ið ikki eydnadist henda dagin.
Eisini vann hann bronsu í deadlift, har hann lyfti 240 kg. Her royndi hann seg eisini við at lyfta 255 kg, sum kom heilt upp, men lyfti bleiv tíverri ikki góðkent.
Klæmint vann eitt flott 2. pláss, við einum samlaðum úrsliti á 575 kg.
Um tú veitst okkurt, sum VP ikki veit - skriva so til vp@vp.fo
