Seinastu tímarnir eru 7 útlendsk skip komin at liggja við bryggju í Runavíkar Havn.
Vónandi var tað eitt krav frá myndugleikunum á staðnum, at manningarnar á skipunum vóru korona kannaðar áðrenn skipini fingu loyvi at koma til bryggju, eins og gjørt verður á flogvøllinum og í sambandi við ferðamannaskipini.
Roknast kann við einum samlaðum manningatali upp í móti 400, og hugsast kann, eins og í Klaksvík, at smittuvandin er til staðar.
Tað eigur eftir mínum tykki ikki at koma fyri, at fremmand skip fáa loyvi at koma inn í føroyskar havnir, uttan at manningarnar eru korona kannaðar.
Koronafarsóttin er tann mest álvarsama heilsukreppan nakrantíð, sigur Tedros Adhanom Ghebreyesus, aðalskrivari hjá Heimsheilsustovninum WHO.
Lasse Klein
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
