Metnógv fólk vórðu smittað við korona í gjár. Samstundis er talið á teimum sum eru positiv, í mun til tey sum hava kannað seg, eisini nógv vaksið.
Við seinastu kanning vóru 7,5% av teimum kannaðu positiv. Og tað er metnógv.
Eisini í fyrradagin setti talið fyri positiv prosent met, tá var tað 6,3. Dagarnar áðrenn tað lá tað ímillum 2 og 3.
Trý stiga skipanin hjá landsstýrinum og farsóttarnevndini sigur, at tá fleiri enn 75 hava verið smittað um dagin í eina viku fara vit uppá stig trý við munandi fleiri avmarkingum.
Um tú veitst okkurt, sum VP ikki veit - skriva so til vp@vp.fo