Vinarligast biðjast øll samfelagssinnaði og solidarisk fólk, ikki minst ábyrgdarfólk í Sambandsflokkinum stilla okkara passiva, uppsteðgaða ella næstan apatiska løgmanni henda einfalda almenna spurning:
Um tað er diskriminerandi við koronapassi, vóru so teir føroyingar, sum ikki høvdu koppaattest í 1950unum alvorliga diskrimineraðir?
Teir komu jú ikki við til nakað alment kollektivt virksemi.
Men nei, teir vóru ikki forfylgdir ella diskrimineraðir!
Teir høvdu jú sjálvir sett seg uttanfyri tann kollektiva og solidariska felagsskapin.
Teir vístu hvørki ábyrgd ella samfelagssinni.
Skuldu teir so premierast fyri tað?
Sjálvandi ikki, og tí livdu teir í einum heilt sjálvvaldum, isoleraðum parallel-samfelag.
Í løtuni er krav um koronapassið tann fremsta verndin í flestu vestur- og centraleuropeisku londum. Koronapass má vera eitt krav á øllum skrivstovum, stovnum, hotellum, restauratiónum og vertshúsum, sum tað er á tí europeiska kontinentinum.
Virgar Dalsgaard
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
