Tá hin ótakksami og støðugt misnøgdi biður um ráð, skalt tú varða teg
- úr Børkuvísum

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Tá koronufarsóttin í vár av álvara gjørdist veruleiki í Føroyum, setti SEV alt fyri eitt tiltøk í verk, fyri at verja veitingartrygdina. Samstundis fyrireikaði felagið seg til eina møguliga afturgongd í søluni av elorku, um so var, at virksemið í samfelagnum minkaði munandi, og stig blivu tikin til at eftirhyggja rakstur og íløgur. Framlit vóru gjørd, og arbeitt hevur verið eftir einum av framlitunum alt árið.

Samanumtikið hevur koronufarsóttin higartil tó havt lítla ella onga ávirkan á eftirspurningin eftir elorku í samfelagnum.

Á eykaaðalfundi seinasta heyst boðaði nevndin frá møguligari príshækking í 2021. Eykaaðalfundurin samtykti tó í dag tilmæli frá nevndini í SEV um ikki at hækka elprísin. Sostatt verður elprísurin komandi ár óbroyttur í mun til í ár.

Samtykt varð at játta felagnum loyvi at útvega sær 1,2 mia. kr. í fígging av framtíðaríløgum. Bróðurparturin av hesi fígging er ætlaður pumpuskipan í Vestmanna, sum hevur alstóran týdning, skulu vit røkka málinum um 100% burðardygga elorkuframleiðslu á landi í 2030.

“Pumpuskipanin er avgerandi fyri, hvussu nógv vindorka fæst inn á elskipanina, og ein seinkað pumpuskipan kann lættliga gerast ein fløskuhálsur á grønu kósini”, sigur John Zachariassen, nevndarformaður í SEV.

Sitandi nevnd nýtti høvið at takka fyri seg og eitt fýraáraskeið, sum hevur verið merkt av nýhugsan og nýskapan, og har nevndin er farin undir samskifti við avvarðandi myndugleikar m.a. um møguliga nýskipan av elorkuøkinum.

“Tað skal til eina og hvørja tíð vera fullkomiliga greitt, hvar ábyrgdin av veitingartrygdini, veitingarskylduni og elgóðskuni liggur. Vit í verandi nevnd lata við góðari samvitsku SEV í hendurnar á nýggjari nevnd, og minna á, at høvuðsendamálið við elskipanini eigur at vera trygg, bílig og burðardygg elorka til brúkaran, vinnulívið og alt tað føroyska samfelagið”, sigur John Zachariassen.

Sí nevndarfrágreiðing

Um tú veitst okkurt, sum VP ikki veit - skriva so til vp@vp.fo