Ein bilførari sum koyrdi Millum Fjarða í Eysturoynni noyðist at taka koyrikortið ummaftur, eftir at politiið í gjár staðfesti, at hann koyrdi heilar 133 km/t. Mest loyvda ferðin har er 80 km/t.
- Tá ferðin er so nógv meira enn tað mest loyvda fellur hamarin á staðnum, og viðkomandi misti tí koyrikortið á staðnum. Tað er eitt álvarsmál at koyra so skjótt, sigur vakthavandi á politistøðini í Havn.
Annars var seinasta samdøgrið friðarligt.
Vakthavandi minnir á, at Eysturoyartunnilin er stongdur í dag ímillum kl 12.45 og 13.45 í samband við drotningavitjanina.
Um tú veitst okkurt, sum VP ikki veit - skriva so til vp@vp.fo