Næststørsti býurin í Danmark fer nú at koma við kravi um munnbind til øll sum brúka almennu samferðsluna. Higartil hevur tað verið ein áheitan, men ikki eitt krav at brúka munnbind.
Tað skriva fleiri danskir miðlar, sum hava fingið hendur á einum brævi frá heilsumálaráðharranum, Magnus Heunicke, til politisku flokkarnar. Eisini verða fólk eggjað til at arbeiða heimanifrá, tá tað er gjørligt, og allir aðrir fundir, har fólk koma saman, eiga at verða avlýstir næstu 14 dagarnar.
Seinastu dagarnar hava donsku smittutølini verið vaksandi, og Aarhus er serliga hart raktur. Seinastu vikuna eru 660 nýggir tilburðir funnir í Danmark, og av teimum er nærum triðingurin í Aarhus.
Um tú veitst okkurt, sum VP ikki veit - skriva so til vp@vp.fo
