Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Framsýningar

Kringvarpið: Nú byrjar av álvara at nærkast, til føroyska krimirøðin TROM, sum er fyrsta sjónvarpsrøðin, ið er upptikin í Føroyum, verður frumsýnd.

TROM, sum Tórfinnur Jákupsson hevur skrivað, byggir á krimibøkurnar hjá Jógvani Isaksen.

TROM verður tøk á Viaplay 13. februar, og fyrsti partur av røðini verður vístur í sjónvarpinum hjá Kringvarpinum hóskvøldið 17. februar og komandi fimm hóskvøldini.

Kringvarpið hevur stuðlað røðini fíggjarliga og hevur eisini latið útgerð, starvsfólk og høli til framleiðsluna.

“Hetta síggja vit sum ein týdningarmiklan part av at stuðla føroyska filmsumhvørvinum, og samstundis er tað umráðandi, at Kringvarpið, sum tann føroyski public service-miðilin, sleppur at vísa føroyingum røðina”, sigur Barbara Samuelsen, programmleiðari í Kringvarpinum.

“Hetta hevur verið ein longri verkætlan og ein umfatandi framleiðsla, sum vit hava verið sera spent uppá. Jón Hammer, sum eigur fyritøkuna Kykmyndir, sum stendur aftan fyri framleiðsluna, kom til okkara í 2018 og spurdi, um vit skuldu innleiða eitt samstarv, og hetta vildu vit uttan iva vera partur av”, leggur hon afturat.

Ulrich Thomsen høvuðsleikari
TROM snýr seg um Hannis Martinsson, sum kemur aftur til Føroya, tí ein kvinna, ið sigur seg vera dóttir hansara, heldur seg vera í lívsvanda. Skjótt fær hann frænir av, at álvarsom brotsverk verða framd. 

TROM er í seks pørtum, sum allir eru upptiknir í Føroyum.

Ulrich Thomsen hevur høvuðsleiklutin sum Hannis Martinsson, meðan Maria Rich og Olaf Johannessen manna hinar stórur leiklutirnar.

Um tú veitst okkurt, sum VP ikki veit - skriva so til vp@vp.fo