"Samanumtikið hevði umboðsmaðurin ongar viðmerkingar til avgerðina hjá Fiskimálaráðnum um at nokta innlit í tilmælið og gjørdi ikki meira við málið".
Løgtingsins Umboðsmaður heldur ikki, at Fiskimálaráðið bar seg skeiv at, tá tað noktaði Kringvarpinum innlit í tilmæli frá fyritingini viðvíkjandi útlutan av ítøkiligum kvotum til vinnuligar royndir og verkætlanir.
Fiskimálaráðið vísti á, at talan var um eitt innanhýsis arbeiðsskjal sum journalisturin í Kringvarpinum vildi hava.
- Umboðsmaðurin var samdur við metingini hjá Fiskimálaráðnum í, at tilmælið hjá umsitingini í Fiskimálaráðnum var eitt innanhýsis arbeiðsskjal gjørt av myndugleikanum til egna nýtslu, ið sum útgangsstøði ikki var fevnt av rættinum til innlit, sambært § 7, stk. 1, nr. 1 í lógini um innlit í fyrisitingina, verður sagt í álitinum.
Um tú veitst okkurt, sum VP ikki veit - skriva so til vp@vp.fo