Ein óvanligur tilburður í Hamad floghavnini í Doha í Qatar hevur fingið Australia til at biðja Qatar um eina frágreiðing.
Kvinnuligu ferðafólkini við einum flogfari hjá Qatar Airways vórðu tvungin til at vera við í undirlívskanning, eftir at ein nýføðingur var funnin í einum almennum wc í floghavnini. Og sum um tað ikki var ein nóg skelkandi hending, so vóru ferðafólkini tvungin til at lata seg kanna, sum skilst fyri at vita, um mamman at barninum var teirra millum.
13 av ferðafólkunum vóru úr Australia, og tey hava meldað tilburðin til australsku samveldisløgregluna, sum hevur biðið Qatar um eina frágreiðing. Hana vænta tey at fáa áðrenn vikan er liðin.
Sum skilst bleiv mamman at nýføðinginum ikki funnin.
Um tú veitst okkurt, sum VP ikki veit - skriva so til vp@vp.fo