Aarhus festuge plagar at savna eini 500.000 fólk í døgunum frá 28. august til 6. september. Men nú hevur borgarstjórin í Aarhus, Jacob Bundsgaard, tikið avgerð um at avlýsa stevnuna í ár. Og tað ger hann við beinleiðis tilvísing til læruna frá ólavsøkuni í ár.
- Tølini í Føroyum vísa beinleiðis samband ímillum smittutølini og ólavsøkuna, sigur hann við Jyllandspostin.
Aarhus hevur seinastu tíðina bart fyri at fáa tamarhald á smittutølunum, sum halda fram at vaksa. Landsmyndugleikarnir hava mælt borgarstjóranum til at avlýsa stevnuna, og í morgum boðaði hann frá, at hann hevur valt at fylgja tilmælunum.
Jyllandsposturin skrivar, at Heilsustýrið (Sundhedsministeriet) kunnaði fyriskiparar og myndugleikar í Aarhus um, hvat hendi við tølunum í Føroyum, tá nógv fólk savnaðust á ólavsøku. Og so varð avgerð tikin um at avlýsa Aarhus festuge.
Um tú veitst okkurt, sum VP ikki veit - skriva so til vp@vp.fo
