Ein lærari í enska býnum Batley er fyribils sendur til hús við politiverju, eftir at hann í religiónundirvísingini vísti næmingunum tekningar av profetinum Muhammed, skrivar DR.
Helvtin av íbúgvunum í Batley eru muslimar, og tá tað frættist, at lærarin hevði brúkt muhammedstekningar í undirvísingini blívu fólk frá sær sjálvum í øði.
Skúlin hevur verið avbyrgdur av mótmælisfólki og lærarin hevur fingið fleiri deyðshóttanir.
Málið hevur elvt til kjak í øllum Stórabretlandi.
Skúlastjórin hevur borið fram eina almenna umbering til muslimarnar, men tað er ikki nóg nógv, siga mótmælisfólkini, sum vilja hava læraran sagdan úr starvi.
Næmingar í skúlanum savna hinvegin inn undirskriftir fyri at fáa læraran aftur til arbeiðis.
Um tú veitst okkurt, sum VP ikki veit - skriva so til vp@vp.fo
