Bruttovinningurin tódnaði við góðum 2 milliónum krónum og endaði á 29,5 mió kr í fjør. Men ársúrslitið gekk aftur við nærum 2,7 mió kr og endaði á stívliga 4 mió kr.
Ein av orsøkunum var, at tey 63 ársverkini í fjør gjørdust nærum eina millión krónur dýrari í rakstri enn árið frammanundan.
Leiðslan er fáorðað í frágreiðingini, og staðfestir bara, at úrslitið var sum væntað og at hon annars er nøgd og væntar nakað tað sama av inniverandi ári.
Tavan er væl fyri við nærum ongari skuld og eini eginogn á 46 mió kr.
Um tú veitst okkurt, sum VP ikki veit - skriva so til vp@vp.fo