Nýggja skattalógin í samband við sølu av fiskirættindum ger, at ognartøka nú verður rættuliga bílig og serdeilis attraktivt.
Útrokningin er sera einfald.
Vit seta virði til 1 milliard, tí tey sum hava áhuga í ognartøka tosa altíð um stór tøl.
Um vit ímynda okkum, at virðið á veiðuloyvunum er 1.000 milliónir, so skulu 350 milliónir gjaldast í skatti av hesum.
Tí verður tað, sum landskassin skal endurgjalda 650 milliónir.
Og tá ber til at ognartaka loyvið fyri 650 milliónir og síðan selja tað aftur á uppboðssølu fyri 1.000 milliónir.
Sostatt hevði ein ognartøka av hesum hugsaða veiðuloyvi givið 350 milliónir í eykainntøkum til landskassan.
Næsti spurningur er so, um Høgni og Aksel, við nýggju skattalógini, kundu funnið uppá at ognartikið veiðurættindi og selt tey á uppboðssølu, uttan at bíða til 12 ár eru farin?
Eivind Jacobsen
Strendur
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
