Landssjúkrahúsið hevur fingið játtað tey undantøk frá verkfallinum hjá sjúkrarøktarfrøðingunum, sum Landssjúkrahúsið bað um.
Tað sigur Óluva í Gong, forkvinna í felagnum hjá føroysku sjúrkrarøktarfrøðingunum við VP.
Sjúkrarøktarfrøðingarnir fara at víðka verkfallið mánadagin, so deildin B6 eisini verður umfatað. Men í gjár segði stjórin á LS, Steinar Eirikstoft, at trýstið á deildina er so stórt, at fara fleiri enn tveir av sjúkrarøktarfrøðingunum í verkfall, so er støðan so mikið hættislig at landsstýrið má koma uppí.
Óluva í Gong sigur, at tey eru vitandi um, at trýstið á deildina er stórt tí aðrar deildir eru stongdar.
- Undantøkini nú eru treytað av, at trýstið er so stórt. Minkar trýstið, so verða færri undantøk givin, sigur hon.
- Men so ber kanska til at siga, at hetta ætlaða tiltakið mánadagin ikki hevur so stóra ávirkan, sum tit høvdu ætlað. Hava tit ætlanir um aðrar herðingar av verkfallinum?
- Ikki júst í løtuni.
Um tú veitst okkurt, sum VP ikki veit - skriva so til vp@vp.fo
