Helgi Abrahamsen ætlar ikki at bíða leingi eftir at kommunurnar semjast um hvussu trupulleikin við larmi frá havnaløgunum skal loysast.
Tað sigur hann við útvarpið.
Felagið Heimafriður sigur, at tað hevur verið heilt galið í Stilluviku, sum vikan eitur, tí klagur eru komnar frá fólki sum búgva nærhendis fleiri havnum í Føroyum, har nógvur gangur hevur verið. Og Heimafriður vil hava landið at traðka í karakter, tí kommunurnar megna ikki at loysa hann, sigur felagið.
Ein kunngerð er annars gjørd, men føroysku kommunurnar hava biðið landsmyndugleikarnar steðga, tí tær ætla sjálvar at finna eina loysn. Men enn er ongin loysn komin á borðið.
Helgi Abrahamsen sigur, at hann ætlar at seta kunngerðina í verk 1. juli um onki annað er hent áðrenn tað.
Um tú veitst okkurt, sum VP ikki veit - skriva so til vp@vp.fo
