Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Staðfest er, at bæði Vørn og Taks siga seg ikki klára at hava fult eftirlit við, um útlendskir aktørar í fiskivinnuni óreiðiliga vinna pening burtur úr føroysku fiskivinnuni. Stovnarnir siga seg heldur ikki megna at hava nóg gott eftirlit við eigaraviðurskiftunum í vinnuni. Hetta er órógvandi, og má landstýrismaðurin stryrkja eftirlitið.

At landstýrismaðurin hevur eitt “magafornemmilsi” av, at alt er í lagi, er ikki nøktandi og heldur ikki álítandi. Her má Jacob Vestergaard seta pening av til at styrkja eftirlitið við høvðusvinnu okkara.

Eitt er, at landstýrismaðurin ikki tekur ávaringarrópini frá stýrsins stovnum í álvara. Men nú bæði Skipara-og Navigatørfelagið og Maskinmeistarafelagið ávara um, at summir av limum teirra fáa minni inntøku, tí reiðaríini við útlendskum ognarluti lata sær tað lynda, hoyrist heldur einki úr Fiskimálaráðnum.

Flokspartamaður landstýrismansins Pól Huus Sólstein var eisini í miðlunum við eini skilagóðari ávaring um júst hetta sama, men tað tykist heldur ikki at órógva landstýrismannin.

Eg vil heita á landstýrismannin at taka hesi viðurskiftir í álvara og seta pening av til eftirlitið, eisini eigur Jacob Vestergaard at kanna viðurskiftini og ikki dúva uppá “magafornemmilsir”.

Jóhannis Joensen
Javnaðarflokkurin

Um tú veitst okkurt, sum VP ikki veit - skriva so til vp@vp.fo