Kringvarpið hevur lagt myndir út av Jørgen Niclasen í dag, har ein avmyndar hann sum er hann vorðin so gamal, at hann skjótt fær brúk fyri hoyritóli.

Og hin myndin, eisini av Jørgen Niclasen, fíggjarmálaráðharra, vísur ein jakka koma dalandi undan loftinum, og er fíggjarmálaráðharrin so fimur at hann fær vinstra arm upp í jakkaermuna og við høgra armi roynur hann so at finna hina jakkaermuna.

Tað er ikki bara í teksti at tú kanst manipulera ella laga søguna soleiðis, sum tú vilt. Hetta er sjálvandi eisini galdandi fyri myndavalið, har redaktørurin heilt vist hevur havt fleiri myndir at velja ímillum.

Vit kunnu spyrja, hví avmyndaði fíggjarmálaráðharrin skal sýnast at hoyra illa?

Og eisini hví lesarin skal kunnast um at fíggjarmálaráðharrin ikki sveittar undir ørmunum? Er tað relevant fyri úrslitið á fíggjarlógini?

Myndirnar av Jørgini Niclasen eru eitt, annað er, at sangurin, sum spældur var í útvarpinum beint eftir tíðindafundin hjá fíggjarmálaráðharranum var "What shall we do with the drunken sailor"!

##med2##

Kringvarpið hevur so eisini eina mynd av fyrrverandi fíggjarmálaráðharranum Kristinu Háfoss, sum eisini var møtt upp á pressufundinum og setti ikki minni enn tveir spurningar.

Her er val av mynd gjørt í virðing.

##med3##