Nú bannið hjá ávísum føroyskum samkyndum og tvíkyndum blóðgevarum verður avtikið, er hetta eitt stig á rættari leið.
Broytingin í Føroyum er tó bara galdandi fyri menn, sum ikki hava hvat kynsligt samband við aðrar menn síðstu 6 mánaðirnar.
Í Danmark er karatenutíðin 4 mánaðar.
Lívslanga bannið kom í gildið undir AIDS-kreppuni í áttatiárunum í kjalavørinum av ótta og óvitan.
Tað vóru samstundis munandi verri møguleikar at kanna blóð tá enn tað er í dag.
LGBT Føroya tekur undir við, at trygdin altíð skal vera í hásæti, tá ið talan er um blóðgeving og heilsuverkið, men undrast samstundis á, at størri munur verður gjørdur á fólki bygt á kynsliga sannføring í Føroyum í mun til Danmark, tá talan er um nýggju karatenutíðina.
- Nevndin í LGBT Føroyum
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
