Løgmaður hevur í dag verið á fundi við danska forsætisráðharran Mette Frederiksen í Keypmannahavn.
Á fundinum umrøddu tey ymisk týðandi mál millum Føroyar og Danmark. Eitt nú, hvussu arbeiðið í nýggja uttanríkis,- trygdar,- og verjupolitiska samstarvsráðnum, skal skipast framyvir. Føroyar hava í løtuni formansskapin í ráðnum, og fyrsti fundur verður í Føroyum í juni. Løgmaður og danski forsætisráðharrin umrøddu eisini spentu støðuna í Ukraina.
Løgmaður nýtti eisini fundin til at gera vart við, at tað er óheppið, at danskir myndugleikar ikki hava tey ynski um betraði fongsulsviðurskifti í Føroyum við, nú nýggj langtíðaravtala er gjørd um karmarnar hjá Kriminalforsorgini.
Um tú veitst okkurt, sum VP ikki veit - skriva so til vp@vp.fo