Bárður Nielsen, løgmaður, kom inn á trupulleikan við ov fáum starvsfólkum innan røktar- og heilsuøkið, og hann segði seg hava eitt boð uppá, hvussu hjálpast kann uppá tørvin í árunum sum koma.
- Eg fari í dag at koma við einum sosial-liberalum boði uppá, hvussu hetta kann gerast, segði løgmaður í síni formansrøðu.
- Mítt boð er, at vit innføra ein heilsu- og røktarfrádrátt. Hesin frádrátturin skal geva starvsfólkunum innan geiran ta virðing, tey hava uppiborið, og eggja teimum, at halda áfram at starvast innan økið, umframt at nýggir starvsfelagir leggjast afturat. Eisini kann umhugsast, at ein umskipan av Heilsuskúlanum, við fjarlestri og brúk av tøkniligum møguleikum. Hetta styrkir samstundis um fakleikan hjá starvsfólkahópinum innan eldra- og røktargeiran. Nýhugsan innan økið er neyðugt, so vit framhaldandi kunnu varðveita okkara vælferðarstøði.
Løgmaður kom ikki nærri inn á, hvussu ein slíkur frádráttur skal fremjast í verki, og hvussu stórur hann skal vera.
Um tú veitst okkurt, sum VP ikki veit - skriva so til vp@vp.fo
