Okkurt bendir á, at føroyingar hava fingið ein lærupenga av at halda hánt um tilmælini og skipa fyri brúdleypum, halda ólavsøku og annars savnast í størri hópum enn gott er og ikki halda frástøðu.
- Tað er sera friðarligt í náttarlívinum, sigur vakthavandi á politigarðinum í Havn.
Eitt sum kortini er blivið er, at lond eru farin at skifta status til at vera sonevnd reyð lond hvat ferðing viðvíkir. Tað merkir millum annað, at fólk úr hesum londunum ikki sleppa at ferðast til Føroya.
- Um vikuskifti er tað hent fleiri ferðir, at fólk úr eitt nú Rumenia og Spania eru komin til flogvøllin í Vágum við flogfari, men verða noktað innferðarloyvi, tí londini, hagani tey koma, ikki verða mett sum trygg lond at ferðast úr longur. Og tá verða fólkini send aftur hagar sum tey komu frá. Tað virkar sum um, at tann kunningin ikki kemur nóg væl út, sigur vakthavandi.
Um tú veitst okkurt, sum VP ikki veit - skriva so til vp@vp.fo