Tað var tíðliga ólavsøkumorgun, at brandávaringarskipanin í barnagarðinum Lítlaskógi í Dj. í Geilsgøtu í Havn fór frá. Komin á staðið kundi politiið staðfesta, at talan var um roynd at seta eld á í tveimum ymiskum støðum.
Hóast politiið longu tá heitti á fólk, sum høvdu varnast okkurt óvanligt har um leiðir, um at siga frá, so eru ikki nóg nógv spor at ganga eftir, og tí tekur løgreglan nú áheitanina uppaftur.
Skaðin av eldinum var lítil, men ein rútur var brotin umframt ymiskt annað minni herverk var framt.
Um tú veitst okkurt, sum VP ikki veit - skriva so til vp@vp.fo