Føroyingar eru fyrimyndarligir í hesum døgum, frættist av løgreglustøðini í Havn.
- Náttarlívið lat aftur tíðliga, og í heila tikið vóru sera fá fólk úti, sigur vakthavandi á politistøðini í Havn, tá VP fregnast.
Sama varð sagt í gjár, og helst eru tað tilmælini, eftir at óvanliga nógvir tilburðir av korona hava verið í seinastuni, sum gera mun. Tilmælini vórðu herd stutt undan vikuskiftinum, og mælt varð millum annað til at halda seg burtur úr stórum samkomum hesa næstu vikuna.
Í Eysturoyartunlinum var eitt ferðsluátak seint í gjárkvøldið, men eisini har vísti tað seg, at øll bóru seg fyrimyndarliga at, og ongin varð skrivaður fyri nakað lógarbrot.
Um tú veitst okkurt, sum VP ikki veit - skriva so til vp@vp.fo