Onnur tíðindi
Tað eru yvir 4000 nøvn, tú ikki mást skriva á Facebook, vísa innhýsis dokument.
Facebook hevur í fleiri ár havt ein lista við nøvnum, sum eru bannað á sosiala miðlinum.
Listin umfatar felagsskapir, bólkar, netverk og persónar, sum ikki eru vælkomin á Facebook, og sum heldur ikki er loyvt øðrum brúkarum at umtala.
Listin yvir "vandamiklar persónar og felagsskapir" hevur verið loyniligur, í hvussu er inntil nú, skrivar danska TV2.
Í vikuni almannakunngjørdi amerikanski miðilin The Intercept eina útgávu av loyniliga listanum hjá Facebook sum er likin.
Útgávan er 100 síður og telur yvir 4000 persónar og bólkar.
Um tú veitst okkurt, sum VP ikki veit - skriva so til vp@vp.fo
