Stjórar, embætisfólk og heilsustarvsfólk vóru øll spurd, tá ið ein serligur innkeypsbólkur undir leiðslu av Region Hovedstaden fyrst í mars fekk eitt tilboð frá einum kinesiskum veitara.
7,5 milliónir munnbind til at verja móti koronavirusinum á landsins sjúkrahúsum til ein kostnað á 19,5 milliónir dollarar - ella knappar 130 milliónir krónur.
DR hevur saman við miðlum í restini av Evropa gjøgnum altjóða journalistfelagsskapin OCCRP brúkt seinastu mánaðirnar til at koma til botns í milliardainnkeypinum hjá donskum og evropeiskum heilsumyndugleikum av verndarútgerð úr Kina.
OCCRP er stovnað í 2006 og hevur sum endamál at avdúka mutur og skipaðan kriminalitet, millum annað í Eysturevropa, men eisini í restini av Evropa og aðrastaðni.
Henda grópingin viðvíkjandi verndarútgerð hevur havt loyniorðið 'Graceland'.
Um tú veitst okkurt, sum VP ikki veit - skriva so til vp@vp.fo