Nú leygarkvøldið vitjar kendi lag og sangskrivarin M.C. Restorff í Vági, har aftankvirra er á skránni.
Í fleiri ár hevur aftankvirra verið hildin í Vágs kirkju og fólk úr allari oynni hava leitað leita sær til hesi tiltøk, ið hava havt vitjan av eitt nú: Heina Lutzen, Lisu Fredriksberg, Magna Christiansen, einum parti av bólkinum 4, nevniliga Niclas Johannessen, Petur Jacobsen og Gunnar Justinussen, sum tá fingu tilnavnið hálvgumfýra.
Meinigheitshúsið í Vági, sum fyrr í ár rundaði tey 100árini, hevur boðið M.C.Restorff suður og kemur hann at syngja, spæla og lætt greiða frá um sínar sangir.
Tiltakið byrjar kl 20.00 í Vágskirkju og verður møguleiki at lata eina gávu til Meinigheitshúsið. Aftaná tiltakið verður boðið til ein kaffimunn og okkurt gott afturvið.
Um tú veitst okkurt, sum VP ikki veit - skriva so til vp@vp.fo