VG-satira: Kvinnan úr Noregi mátti geva frágreiðing á politistøðini seinnapartin sunnudagin. Har greiddi hon frá hvat hendi tá ið hon fann deyða mann sín í sjónvarpsstólinum beint eftir hálvleik í dystinum millum Kosta Rika og Serbia.
– Eg skuldi hava hjálp at fáa eitt fat niður av køliskápinum, og royndi fyrst at rópa. Tá ið eg einki svar fekk - tað fái eg ongantíð undir stórum meistaraskapum – fór eg inn og risti í hann. Tá datt hann bara á aðra liðina, sigur kvinnan.
Hon helt at maðurin bara royndi at látast tvørur.
– Hann roynur altíð at sníkja seg undan húsarbeiði, men tá ið eg trekti eina kalda bjór upp beint undir nøsini á honum uttan at hann reageraði, so skilti eg at okkurt var á vási. Tá ringdi eg fyrst og segði upp allar sportsrásirnar, áðrenn eg ringdi til neyðnummarið.
Ein lækni staðfesti, at maðurin hevði verið deyður í minst trý døgn.
– Løgreglan helt at eg átti at havt gjørt vart við meg fyrr av luktinum.
– Átti tú ikki tað?
– Jú, kanska. Hetta er fyrstu ferð í 20 ár at tað ikki hevur luktað av freti í stovuni.
Um tú veitst okkurt, sum VP ikki veit - skriva so til vp@vp.fo